Tag: LaLiga

काठमाडौं । अर्टुरो भिदालको एक मात्र गोल मद्दतमा बार्लोनाले स्पानिस ला लिगामा रियल भाल्लाडोलिडलाई १-० ले पराजित गरेको छ । साँघुरो जितपछि बार्सिलोनाले शीर्ष स्थानको रियल मड्रिडसंग अंकदूरी १ मा झार्दै उपाधि जित्ने सम्भावना कायमै राखेको छ । भाल्लाडोलिडको मैदानमा भएको खेलमा बार्सिलोनाले पहिलो हाफमा गोल गरेको थियो । १६औं मिनेटमा कप्तान लिओनल मेसीको पासमा भिदालले गरेको गोल बार्सिलोनालाई ३ अंक दिलाउन निर्णयाक बनेको थियो । यस सिजन मेसीको यो २०औं असिस्ट हो र उनी एकै सिजन २० गोल र असिस्ट गर्ने थियरी अनरीपछि पहिलो खेलाडी समेत बनेका छन् । यस्तै २००८-०९ पछि ला लिगामा २० असिस्ट गर्ने पहिलो खेलाडी समेत बनेका छन् । त्यस बेला बार्सिलोनाकै जाभीले उक्त उपलब्धि हासिल गरेका थिए । जितपछि बार्सिलोनाले ३६ खेलबाट ७९ अंक जोडेको छ । एक खेल कम खेलेको रियल ८० अंकसहित शीर्ष स्थानमा छ ।...

स्पेनिस ला लिगाको शीर्ष स्थानको रियाल मड्रिडले अलाभेसलाई दुई शून्यले हराउँदै उपाधि यात्रामा एक कदम नजिक पुगेको छ । गएराति भएको खेलमा रियालले अलाभेसलाई घरेलु मैदानमा सहज रुपमा हरायो । रियालका लागि करिम बेन्जिमा नायक बने । जारी लिगमा लगातार आठौं खेलमा जित निकाल्ने क्रममा रियालका लागि बेन्जिमाले एक गोल र एक एसिस्ट गरेका थिए । ११ औं मिनेटमा रियालले अग्रता लियो । अलाभेसका डिफेन्डर छिमो नाभारालेले रियालका फर्लान्ड मेन्डीलाई डिबक्समा लडाएपछि पाएको पेनाल्टीलाई बेन्जिमाले गोल गर्न सफल भए । त्यो पेनाल्टीमा भिएआरको सहायता लिइएको थियो । पहिलो हाफमा एक गोलको अग्रता बनाएको रियालले दोस्रो हाफमा अर्को गोल गर्यो । जसमा दोस्रो हाफको सुरुमा नै रोद्रिगोको पासमा बेन्जिमाले मिलाइ दिएको बललाई मार्को एसेन्सियोले गोल गरे । तर उनको त्यो गोललाई रेफ्रिले अफसाइड दिए पनि फेरि भिएआरले गोलको मान्यता दियो । त्...