अखिल नेपाल फुटबल संघ एन्फाले वेबसाइट पुनर्निर्माण समय सापेक्ष सूचना पाउन सहज हुने अपेक्षा



अखिल नेपाल फुटबल संघ एन्फाले वेबसाइट पुनर्निर्माण समय सापेक्ष सूचना पाउन सहज हुने अपेक्षा

अखिल नेपाल फुटबल संघ एन्फाले आफ्नो अफिसियल वेबसाइट पुनर्निर्माण गरेको छ ।

बुधबार एन्फा कम्प्लेक्स सातदोबाटोमा आयोजित एक कार्यक्रममा राष्ट्रिय सूचना आयोगका अध्यक्ष महेन्द्रमान गुरुङले क्लिक गरेर वेबसाइट उद्घाटन गरेका हुन् ।

एन्फाको वेबसाइटलाई समय सापेक्ष बनाउन र सबै सूचना उपलब्ध गराउन वेबसाइटको पुनर्निर्माण गरिएको एन्फा प्रवक्ता किरण राईले बताए ।

एन्फाले बनाएको नयाँ वेवसाइटको बारेमा फिफा र एएफसीका अध्यक्षले शुभकामनासमेत पठाएका थिए ।

रिलन्च गरिएको वेबसाइटमा एन्फाको गतिविधि, ए, बी र सी डिभिजन क्लबहरुको जानकारी, जिल्ला फुटबल संघको जानकारी, एन्फाको बारेमा जानकारी खेलाडीलगायत विभिन्न जानकारीहरु राखिएको छ । कोचिङ कोर्सको लागि वेबसाइटबाटै फर्म भर्न सकिनेछ ।

एन्फा अध्यक्ष कर्माछिरिङ शेर्पाले एन्फा वेबसाइट रिलन्च गर्दा खुशी लागेको बताए । उनले अब यस वेबसाइट चलाउन सहज हुने र धेरै विशेषता रहेको बताए ।

राष्ट्रिय सूचना आयोगका अध्यक्ष महेन्द्रमान गुरुङले एन्फाको वेबसाइट लन्च भएकोमा बधाई दिदै अब झन् चुनौती थपिएको बताए ।

अभियान पोष्ट