इन्सपेक्टरलाई डेढ लाख रुपैयाँ घुस दिन खाेजेकाे आराेपमा दुई जना पक्राउ



इन्सपेक्टरलाई डेढ लाख रुपैयाँ घुस दिन खाेजेकाे आराेपमा दुई जना पक्राउ

दाङ – प्रहरी निरीक्षक (इन्सपेक्टर) लाई डेढ लाख रुपैयाँ घुस दिन खोजेको आरोपमा दाङमा प्रहरीले दुई जनालाई पक्राउ गरेको छ ।

पक्राउ पर्नेमा घोराही उपमहानगरपालिका १८ सुपैलाकुटीका गोविन्द शाह र प्युठानकाे स्वर्गद्वारी नगरपालिका ५ भिङग्री घर भइ दाङको लमही बस्ने समीर भण्डारी रहेका छन् ।

उनीहरुले लागुऔषध (ब्राउन सुगर) मुद्दामा पक्राउ परेकाको मुद्दा मिलाइदिन भन्दै वडा प्रहरी कार्यालय घोराहीका कार्यालय प्रमुख प्रहरी निरीक्षक दिनेश रिमालको कार्यकक्षमा पुगेर घुस दिन खोजेका थिए ।

दाङका प्रहरी प्रवक्ता तथा प्रहरी नायब उपरीक्षक (डीएसपी) सुमित खड्काले थप कारबाहीकाे लागि दुवै जनालाई अख्तियार दुरुपयोग अनुसन्धान आयोग पठाइएको जानकारी दिनुभयो ।

रुद्र कार्की

सम्बन्धित थप समाचार

Leave a Reply

Your email address will not be published. Required fields are marked *