अखिल क्रान्तिकारी काठमाडौद्वारा विद्यार्थीलाई राहत वितरण



अखिल क्रान्तिकारी काठमाडौद्वारा विद्यार्थीलाई राहत वितरण

काठमाडौँ । अनेरास्ववियु (क्रान्तिकारी) ले लकडाउनका कारण काठमाडौँमा समस्या परेका विद्यार्थीहरुलाई राहत वितरण गरेको छ । विप्लव नेतृत्वको नेकपा निकट अखिल क्रान्तिकारीका काठमाडौँ अध्यक्ष गोविन्द विष्टका अनुसार पहिलो चरणमा लकडाउनका कारण साँझ विहानको गुजरा गर्न समस्या भएका विद्यार्थी र मजदूरहरुलाई सहयोग उपलब्ध गराइएको छ ।

लकडाउनका सबैभन्दा बढी प्रभाव विद्यार्थी र दैनिक ज्यालादारी मजदुरलाई परेको भन्दै अखिल क्रान्तिकारी काठमाडौँले अभियानात्मक रुपमा राहत वितरण गरिरहेको छ । प्रचारको लागि मात्र नभएर समस्या समाधान हुनेगरी राहतस्वप विद्यार्थीहरुलाई सहयोग गरेको अध्यक्ष विष्टले बताए ।

अध्यक्ष विष्टले स्थानीय तहले दिने राहतको लागि बनाइएको मापदण्डका कारण बास्तविक पीडितले राहत पाउन नसकेको बताए ।
समस्या परेको बेला विद्यार्थीलाई सहयोग गर्नु आफूहरुको कतव्र्य भएको बताउँदै अध्यक्ष विष्टले राहत अभियान जारी रहेको समेत बताए ।

त्यसैगरी राहत अभियानको क्रममा सहयोग गर्ने सबैलाई विष्टले धन्यवदा समेत दिए ।

सरकारले वितरण गरेको राहत पक्षपातपूर्ण भएको र बास्तविक पीडितले नपाएको भन्दै निष्पक्ष रुपमा बास्तविक पीडितलाई राहत उपलब्ध गराउन अखिल क्रान्तिकारीले सरकारसँग माग गरेको छ ।

यसैबीच विप्लव नेतृत्वको नेकपा निकट अखिल क्रान्तिकारीले ललितपुरमा महामारी पीडित एक दर्जन विद्यार्थी र श्रमिकको परिवारलाई राहत वितरण गरेको छ ।

जिल्ला अध्यक्ष अग्रीमको नेतृत्वमा १० श्रमिक परिवारलाई राहत वितरण गरिएको र अन्य क्षेत्रमा पनि हेरेर उपलव्ध गराउन प्रयास गर्ने अखिल क्रान्तिकारीले जनाएको छ ।

साथै अग्रिमले एक विज्ञप्ति जारी गरी कोरोना भाईरसको महामारीको जोखिमको यस्तो समयमा समेत सरकार र जनप्रतिनिधिहरुले आसेपासेलाई मात्र राहत उपलव्ध गराएर वास्तविक श्रमित र पीडितहरुलाई नदिएको भन्दै सरकारको ध्यानाकर्षण पनि गराएका छन् ।

उनले अत्यन्त पीडामा परेका परिवारलाई संगठनले थप राहत उपलव्ध गराउने बताएका छन् ।

जन्मदेव जैसी

सम्बन्धित थप समाचार

Leave a Reply

Your email address will not be published. Required fields are marked *