किराँतीको विचलन र दुष्प्रचारबाट सतर्क रहन माओवादी केन्द्रको आग्रह



किराँतीको विचलन र दुष्प्रचारबाट सतर्क रहन माओवादी केन्द्रको आग्रह

काठमाडौं । नेकपा (माओवादी केन्द्र) ले आफ्नो पार्टीको विधान, पद्दती र नीति विपरित पार्टीको सल्लाहकार समितिका नेता समेत रहेका पूर्वअध्यक्ष गोपाल किराती ‘साईला’ को विचलन भएर भ्रमक दुश्प्रचार गरेको भन्दै खण्डन गरेको छ । उक्त दुश्प्रचारबाट भ्रमित नहुन आम पार्टी पंक्ति, राजनीतिक मित्र शक्तिहरु र आम न्यायप्रेमीी जनसमुदायमा अपिल गरेका छ ।

माओवादी केन्द्रका महासचिव कर्णजीत बुढाथोकी ‘शुशिल’ ले एक विज्ञप्ती जारी गरेर पार्टीको सल्लाहकार समितिको जिम्मेवारीमा रहेका नेता किरातीले गैरराजनीतिक चरित्र पर्दशन गर्दै एकल ढंगले अधिकार क्षेत्रभन्दा बाहिरबाट पार्टीबारे भ्रम सिर्जना गर्न गरेको बताएका छन् ।

गएको असोज २५-२६ गते काठमाडौंमा बसेको माओवादी केन्द्रको पोलिटव्यूरो बैठकले तत्कालिन अध्यक्ष समेत रहेका नेता किरातीमा मालेमावादी वैचारिक विचलनका कारण पार्टी अध्यक्ष पदबाट हटाएको र त्यसलाई आउँदो मंसिर ८ र ९ गते बस्ने केन्द्रीय समितिको बैठकमार्फत थप वैधानीकता दिने निर्णय गरेको अवस्थामा किरातीले अराजनैतिक ढंगबाट माओवादी केन्द्रको नाममा विज्ञप्ती जारी गर्दै पार्टी विघठनको हल्ला चलाएको उक्त विज्ञप्तीमा जनाइएको छ ।

उक्त विज्ञप्तिमा किरातीले धार्मिक विचार, विपश्यनालाई मार्क्सवादको चौथो संघठक अंगका रुपमा राख्ने विषयको प्रस्ताव सार्वजनिक गरेको र त्यसलाई पार्टीको पोलिटव्यूरोको बैठकले एकमतबाट अस्वीकृत गरेपछि उनी नैतिकताको आधारमा अध्यक्षबाट राजिनामा दिएर सल्लाकार समितिमा रहेको विज्ञप्तिमा बताइएको छ ।

महासचिव बुढाथोकीले सल्लाहकारको जिम्मेवारीमा रहेका नेता किरातीले निकालेको भ्रामक विज्ञप्ती माओवादी पार्टीको आधिकारीक विज्ञप्ति नरहेको बताउँदै किरातीले आफैले आफुलाई अध्यक्ष घोषणा गर्नु असोभनिय र अनैतिक बताएका बताएका छन् ।

”श्री गोपाल किराती साईलाले पार्टी विधान र पद्धति विपरीत, सनकको भरमा गैरराजनीतिक चरित्र पर्दशन गर्दै स्वैच्छिक रुपमा एकलढंगले अधिकार क्षेत्रभन्दा बाहिर, कुनै तहको औपचारिक बैठक नै नगरी, सम्पूर्ण पार्टी संरचना विघटन गर्ने र आफूलाई अध्यक्ष स्वघोषणा गर्ने कुरा पूर्वमन्त्री भइसकेको व्यक्तिर्ला पटक्कै सुहाउँदैन” विज्ञप्तिमा उल्लेख छ ।

माओवादी आन्दोलन वलिदानपूर्ण इतिहास बोकेर आएको जनाउँदै उक्त विज्ञप्तीमा भनिएको छ–”कुनै एक धर्म अंगालेका राजनीतिक पार्टी नेपालमा असफल मात्र नभएर २१ औं शताब्दीमा समर्थन प्राप्त गर्न सक्दैन । तसर्थ नेकपा (माओवादी केन्द्र) जातिवादी, साम्प्रदायिकता र उग्रराष्ट्रवाद, आत्मसमर्पणवादको भण्डाफोर गर्दै वर्गीय आन्दोलनलाई केन्द्रबिन्दु बनाई उत्पीडित वर्ग, जाति, क्षेत्र र लैङ्गिक मुक्तिको बाटोमा हाम्रो पार्टी निरन्तर संघर्षमा छ ।”

जनताको न्याय र मुक्तिको लागि माओवादी पार्टीले मात्र समाजवाद ल्याउने क्षमता भन्दै विज्ञप्तिमा माओवादी आन्दोलन र विचारमा विचलन देखिएको विचलनताका कारण बुद्ध धर्म र विपश्यनाको आध्यात्मवादी गोलचक्करमा फसेको निष्कर्ष माओवादी केन्द्रले निकालेको छ ।

माओवादी केन्द्रले किरातीले पार्टी विघठन भएको भन्दै फैलाएको हल्ला अनावश्यक भएको भन्दै विज्ञप्ती मार्फत भनेको छ–‘माओवादी केन्द्रको कुनैपनि तह विघटन नभई सम्पूर्ण संरचना यथावत रहेको जानकारी गराउदै निरन्तर क्रान्तिको यात्रामा हामी दृढ प्रतिवद्ध रहेको सत्य द्दाट मित्रशक्ति र आम जनसमुदायमा जानकारी गराउद छौँ । माओवादी आन्दोलनमा लामबद्ध हुन सबैमा आग्रह गरिन्छ ।’

त्यस्तै यसअघि पोलिटव्यूरो बैठके निर्णय गरेको मितिमै पार्टीको केन्द्रीय समितिको बैठक हुने विषयमा विज्ञप्तिमार्फत जानकारी गराइएको छ । पछिल्लो घटनाक्रमले किरातीको मनोगत धारणालाई चिर्न आवश्यकतामा पार्टीको पोलिटव्यूरो बैठकले गरेको निर्णय सार्वजनिक गरिने समेत बताइएको छ ।

वैचारिक विचनका कारण पार्टी अध्यक्षबाट राजीनामा दिएका नेता किराती तनावपूर्ण अवस्थामा रहेको र हतारमा विधि, प्रकृया विपरित ढंगबाट आफू अध्यक्ष भन्दै माओवादी केन्द्र विघठन भएको भन्दै महासचिव बुढाले सम्पूर्ण जिम्मेवार नेता, कार्यकर्ताहरुलाई पार्टीको आधिकारिक नीति, निर्देशनप्रति प्रतिवद्ध रहन तथा विचलित र भ्रमित नहुन विज्ञप्ती मार्फत अपील गरेका हुन् ।

किरातीले सोमबार छाप विनाको विज्ञप्ति निकाले पार्टी विघटन गर्दै पुनर्गठन अभियान संचालान गर्ने बताएका थिए ।

अभियान पोष्ट