भारतमा कोरोना संक्रमितको संख्या आठ लाख नाघ्यो



भारतमा कोरोना संक्रमितको संख्या आठ लाख नाघ्यो

काठमाडौं । भारतमा कोरोना भाइरस (कोभिड-१९) बाट संक्रमित हुनेहरूको संख्या आठ लाख नाघेको छ । अहिलेसम्म आठ लाख २० हजार ९१६ संक्रमित फेला परेको त्यहाँको स्वास्थ्य मन्त्रालयले जनाएको छ ।

पछिल्लो २४ घण्टामा मात्र १७ हजार ११४ नयाँ संक्रमित फेला परेका हुन् । भारतमा कैदिनमा भेटिएका यो अहिलेसम्मकै सबैभन्दा धेरै कोरोना संक्रमितको संख्या हो ।

संक्रमित मध्ये २२ हजार बढीको मृत्यु भएको छ । भारतमा कोरोना भाइरसको कारण २२ हजार १२३ जनाको मृत्यु भइसकेको छ । पछिल्लो २४ घण्टामा मात्र भारतमा कोरोना भाइरसको कारण ५१९ जनाको मृत्यु भएको हो ।

भारतमा अहिलेसम्म कोरोना भाइरसका पाँच लाख १५ हजार ३८५ संक्रमित निको वा डिस्चार्ज भएर फर्किसकेका छन् ।

भारतमा महाराष्ट्र, तामिलनाडु र दिल्लीमा कोरोना भाइरसका संक्रमित संख्यामा सबैभन्दा अगाडि देखिएका छन् ।

अभियान पोष्ट

सम्बन्धित थप समाचार

Leave a Reply

Your email address will not be published. Required fields are marked *