‘करन जोहर पूर्ण रुपमा विक्षिप्त भएका छन्, धेरैजसो रोइरहन्छन्’



‘करन जोहर पूर्ण रुपमा विक्षिप्त भएका छन्, धेरैजसो रोइरहन्छन्’

जबजब बलिउडमा नेपोटिजमको विषय उठान हुन्छ, तब करन जोहरको नाम सबैभन्दा माथि आउँछ । सुशान्त सिंहको मृत्युपछि मात्रै होइन, त्यसअघि पनि उनलाई धेरैले यसमा मुछ्ने गर्दथे । तर यसपटक भने उनीविरुद्ध सोसल मिडियामा जुन रोष देखिएको छ, त्यसले करनलाई भित्रैदेखि हल्लाएको छ । यो कुरा करनका नजिकका साथीले बताएका हुन् । उनले करन जोहर पूर्ण रुपमा विक्षिप्त भएको र उनी अहिले केही पनि बोल्न नसक्ने अवस्थामा भएको पनि बताए ।

भारतीय सञ्चार माध्यम बलिउड हंगामासँगको कुराकानीमा करन जोहरका एक निकै मिल्ने साथीले उनको स्थितीबारे जानकारी दिएका छन् । उनले भने, ‘उनी यत्तिका वर्षसम्म सोसल मिडियामा ट्रोल भइरहेका छन् र करनलाई लागेको थियो कि यी सबका लागि उनको छाला मोटो भइसकेको छ । तर सुशान्तको मृत्युपछि मानिसहरुले उनीविरुद्ध जसरी आफ्नो रिस पोखेका छन्, त्यो देखेर उनी भित्रैदेखि टुटेका छन् ।’

उनले थपे, ‘करनसँग नजिक भएका सबैजना यतिबेला जनताको निशानामा छन् र यसका लागि उनी आफू जिम्मेवार भएको ठानिरहेका छन् । उनका तीन वर्षका सन्तानलाई मारिदिने धम्की आइरहेको छ ।’

उनका साथीका अनुसार जब उनलाई कसैको फोन आउँछ जब उनी बेस्सरी रुन थाल्छन् । ‘उनले रुँदै प्रश्न सोध्छन्, ‘आखिर यस्तो सजाय पाउन, मैले के गल्ती गरेको छु र?’,’ उनले भने ।

उनका अनुसार उनी करनको विषयमा अत्यधिक डराएका छन् र करन यतिबेला केही पनि बोल्ने स्थितीमा छैनन् ।

स्मरण रहोस्, सुशान्त सिंह राजपूतले जून १४ मा मुम्बईको आफ्नो फ्ल्याटमा आत्महत्या गरेका थिए ।

अभियान पोष्ट

सम्बन्धित थप समाचार

Leave a Reply

Your email address will not be published. Required fields are marked *