कोपा अमेरिका : ब्राजिल फाइनलमा प्रवेश



कोपा अमेरिका : ब्राजिल फाइनलमा प्रवेश

काठमाडौं । पेरुलाई १–० ले स्तब्ध पार्दै ब्राजिल जारी कोपा अमेरिका फुटबल प्रतियोगिताको फाइनलमा प्रवेश गरेको छ ।

मंगलबार बिहान ब्राजिलको ओलम्पिक मैदानमा सम्पन्न खेलमा लुकास पाक्वेलाले खेलको ३५ औं मिनेट गोल नै निर्णायक बन्यो । उनले स्टार खेलाडी नेयमारको पासमा गोल गरेका थिए ।

रोमाञ्चक खेलमा ब्राजिलले पेरुको पोस्टमा १५ सुट प्रहार गरेको थियो । जसमा टार्गेट अन सुट ८ वटा थियो । यस्तै पेरुले ब्राजिलको पोस्टमा ७ प्रहार गरेपछि २ वटा मात्रै टार्गेट थियो ।

३ वटा पहेँलो कार्ड प्रयोग गरिएको खेलमा ब्राजिलको बल पोजिसन ६४ प्रतिशत र पेरुको ४४ प्रतिशत रहेको थियो ।

अब फाइनलमा ब्राजिलले जुलाई ११ मा अर्जेन्टिना वा कोलम्बियामध्ये एकसँग प्रतिस्पर्धा गर्नेछ । अर्जेन्टिना र कोलम्बिया सेमिफाइनलमा भोलि भिड्दैछन् । जसमा विजयी हुने टोलीको फाइनलमा ब्राजिलसँग भेट भएको हो ।

 

अभियान पोष्ट