Friday, February 3
Shadow

टोटनहमको पुनरागमन जित, मैदान र अंकतालिका दुवैमा पछि पर्‍यो आर्सनल


  • -इ
  • इ+

काठमाडौं । प्रिमियर लिग अन्तर्गत आइतवार भएको नर्थ लण्डन डर्बीमा टोटनहम हट्सपरले आर्सनलविरुद्ध पुनरागमन जित हासिल गरेको छ । घरेलु मैदानमा टोटनहमले एक गोलले पछि परेको स्थितl उल्टाउँदै आर्सनललाई २-१ ले पराजित गरेको हो ।

टोटनहमले मैदानमा मात्र होइन अंक तालिकामा पनि आर्सनललाई पछि पार्दै आठौं स्थानमा उक्लेको छ ।

१६औं मिनेटमा एलेक्जान्डर लाकाजेटले गोल गर्दै आर्सनललाई पहिले अग्रता दिलाएका थिए । तर आर्सनलको अग्रता लामो समय टिकेन । तीन मिनेटपछि नै हेउङ मिन सन्ले टोटनहमका लागि बराबरी गोल पर्काए ।

पहिलो हाफको खेल १-१ को बराबरीमै सकियो । दोस्रो हाफ पनि बराबरीतर्फ अघि बढिरहेको थियो। तर ८१औं मिनेटमा डिफेण्डर टोबी एल्डरवेइल्डले सन कै पासमा हेडमार्फत गोल गर्दै टोटनहमलाई २-१ को अग्रता दिलाए । त्यही गोल निर्णायक बन्दा टोटनहमले लण्डन डर्बीमा जितसहित ३ अंक जोडेको हो ।

जितपछि ३५ खेलबाट ५२ अंक जोडेको टोटनहम आर्सनल र बर्नलीलाई पछि पार्दै आठौं स्थानमा उक्लेको छ । साथै टोटनहमले शीर्ष ६ मा रहेर अर्को सिजन युरोपियन प्रतियोगिता खेल्ने सम्भावना पनि कायम राखेको छ । पराजित आर्सनल भने ५० अंकसहित नौं स्थानमा झरेको छ । ५० अंक नै रहेको बर्नलीले गोलअन्तरमा पछि पर्दै १०औं स्थानमा छ ।

"Abhiyan Post!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र तथ्य र पल पलकाे खबरकालागि : अभियान पाेष्ट डटकम’  [Email : [email protected]]

     

प्रतिक्रिया दिनुहोस्