Friday, February 3
Shadow

प्रधानमन्त्री ओलीको मृर्गौला बुधबार प्रत्यारोपण हुँदै, को हुन मृर्गौला दिने महिला ?


  • -इ
  • इ+

प्रधानमन्त्री तथा नेपाल कम्युनिस्ट पार्टी (नेकपा) का अध्यक्ष केपी शर्मा ओलीको दोस्रो पटक मृर्गौला प्रत्यारोपणको तयारी भएको छ । बालुवाटार स्रोतका अनुसार प्रधानमन्त्री ओलीको दोस्रो पटक मृर्गौला देशभित्रै प्रत्यारोपण देशभित्रै हुने भएको छ ।

मृर्गौला प्रत्यारोपणको लागि ओली भोलि अस्पताल भर्ना हुने भएका छन् । सोमबार बसेको (नेकपा)को सचिवलय बैठकमा प्रधानमन्त्री ओलीले आफूले बुधबार मृर्गौला प्रत्यारोपण गर्न लागेको जानकारी दिएका थिए । बैठकपछि प्रबक्ता नारायणकाजी श्रेष्ठले प्रधनमन्त्री तथा पार्टी अध्यक्ष ओली भोलि अस्पताल भर्ना हुने संचारकर्मीलाई जानकारी दिए ।

बालुवाटार स्रोतका अनुसार प्रधानमन्त्रीकै चाहनाअनुसार त्रिवि शिक्षण अस्पतालमा मृगौला प्रत्यारोपण गर्ने तयारी भइरहेको छ । ओलीले पहिलो मृर्गौला भारतमा प्रत्यारोपण गरेका थिए ।

आजको बैठक ओलीको मृर्गौला प्रत्यरोपणबारे जानकरीलगायत सामान्य भलाकुसारी बाहेक खास विषयमा प्रवेश नगरेको बताइएको छ । राष्ट्रियसभामा कसलाई पठाउने भन्ने जारी विवादमा पनि छलफल हुने अपेक्षा गरिएपनि त्यसमा प्रवेश नै नगरेको बताइएको छ ।

प्रधानमन्त्री ओलीलाई दोस्रो पटक पनि महिला नै मृर्गौला दिने भएकी छन् । पहिलो पटक भाइ बुहारीले दिएपनि यो पटक मृर्गौला दिने महिलाको परिचय गोप्य राखिएको छ । तर मृर्गौला दिने महिला ओलीको नातिनी पर्ने बताइएको छ । उनीसँग म्याच भएपछि दिने र लिने कुराको टुंगो लागिसकेको छ । परिचय गोप्य राखिएकोले उनी को हुन र कति वर्षकी भइन् भन्नेबारे केही जानकारी खुलेको छैन ।

"Abhiyan Post!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र तथ्य र पल पलकाे खबरकालागि : अभियान पाेष्ट डटकम’  [Email : [email protected]]

     

प्रतिक्रिया दिनुहोस्